Ugu yaraan 17 qof ayaa ku dhintay, laba kalena way ku dhaawacmeen shil gaari oo habeenkii Khamiista ka dhacay degmada Zavala ee gobolka Inhambane, koonfurta Mozambique.
Shilkan ayaa dhacay kadib markii ay isku dhaceen gaari rakaab ah iyo gaari xamuul ah, waxaana labada gaari ay si fool-ka-fool ah isugu dhaceen waddada weyn ee dalka ee isku xirta waqooyiga iyo koonfurta dalka.
Sida ay sheegeen kooxaha gurmadka, dhammaan 17-ka qof ee dhintay waxay ahaayeen rakaab saarnaa gaari dadweynaha, halka labada qof ee dhaawacmay loo qaaday adeegyada caafimaadka.
Madaxweynaha Mozambique, Daniel Chapo, ayaa muujiyay murugo weyn oo ku aaddan dhacdada, isagoo digniino kasoo saaray isticmaalka gaadiidka ee waddooyinka waaweyn.
FG: Fadlan kusoo biir baraha xiriirka bulshada ee aanu ku leenahay:
